الرئيسية / منوعة / الثقافية / أليخاندريات

أليخاندريات

أليخاندريات

تكتبها لكم من السلمية

أتانيا بو نهقة خاندرو

عنوان الحلقة

ميسي والمدارس الخيرية

مسات الخير

متل ما بتعرفوا أنو نحنا الحمير ما منحب الرياضة، ومنعتبرها غبرة وعفرة وقلة واجب وأنا شخصياً ما بحب غير سباق الكدش والبغال يعني هيك بحسها مهيوبة.

واللي خلاني أعمل هالمداخلة الرياضية اليوم هوي جارتي الحمارة المقدرة نضوة الشليف، لأنها زارتني اليوم الضهر بدون موعد، وبعد ضيافة التبن ومتة الشعير والتشنهق فوتتني بقصة الرياضة والفطبول اللي أخبارو عم تغطي على كل الأخبار.

وأنا كل شوي حاول غير الحديث وأحكي عن العلف والحشيش و و وهيك، لحتى زتتلي خبر أنو هيي كتير خايفة على جارتنا خيرية، لأنو هادا اللاعب ميسي نيوي يجي ع سوريا ويفتح …  ولأني بحب الأخبار العاطلة وقبل ما تكفي نضوة حديثها سحبت هاللابتوب من الخرج ودغري عملت سيرش عن ميسي يفتح خيرية ويقوم يطلعلي شي ألف رابط عن ميسي، فتحت أول رابط وإذ فيه خبر أنو ميسي نيوي يفتح مدارس خيرية بطرطوس ومناطق النظام، هون أنا وبعد ما شفت هيك خبر قلتلها قومي انقلعي تضربي أنتي وهيك خبورات معتة، وطلعت نضوة من عندي وهيي عمتشنهق وتقول:

“ياشحارك ياخيرية”

“ياتعتيرك ياخيرية”

وسمعت صدى من بعيد عم يقول:

“ألف كول يفوت علينا ولايقولوا ميسي خاين ياخيرية”

وتسلموا لدنبي

أنا أتانيا

الرياضية المهتمة برياضة الحمير

التعليقات

التعليقات

شاهد أيضاً

“دعدووش” فيلم مصري ساخر عن داعش

يصور الفيلم المصري “دعدووش” الذي بدأ عرضه في 23 آب المنصرم في قالب كوميدي ساخر …